Эрчүүд өөр эмэгтэй рүү хардагийг ийм учиртай гэж огт бодож байсангүй

Заримдаа найз залуу чинь өөр эмэгтэй рүү харах үед бухимдал чинь төрдөг үү? Түүнтэй болзохын тулд өөртөө анхаарч, гоё хувцсаа өмссон боловч таны залуугийн нүд өөр эмэгтэй дээр тусаж байгааг анзаарч байсан уу? Энэ үйлдэл нь таны дургүйг хүргэж байгааг мэдэхгүй яагаад  уурлаад байгаа юм бэ гэж асуудаг. Яагаад гэвэл тэр өөрийн мэдэлгүй өөр эмэгтэй рүү харчихсан байдаг! Та ч гэсэн сайхан залуу руу хардаг л биз дээ? Тэгтлээ ширтэж байгаагүй ч сайхан залуу руу ямар нэгэн байдлаар харж байсан л байх. Үүнд хайртай хүнтэй гэдэг нь хамаагүй байдаг. Тэгвэл эрчүүд яагаад өөрийн мэдэлгүй өөр эмэгтэй рүү хардаг 7 боломжит хувилбарыг хуваалцаж байна.

1. Тэдний төсөөлөн бодох чадвар өндөр байдаг ба эрэгтэй хүний тархи ямарваа нэгэн мэдээллийг хүлээн авахдаа эхлээд төсөөлөн боддог. Харин эмэгтэйчүүд сэтгэл хөдлөлөөрөө ханддаг. Эрэгтэй хүн өөр эмэгтэй рүү харсан нь түүний нүдэнд тухайн эмэгтэй өртсөн учраас л харж байгаа юм.

2. Эрчүүд төрөлхийн ийм зан чанартай байдаг ба сэтгэл татам эмэгтэйд татагддаг. Энэ зүйлд бухимдах шаардлагагүй бөгөөд тэд төрөлхийн зан чанараараа сэтгэл татсан эмэгтэйн толгойноос хөл хүртэл нь зүгээр л харна. Зүгээр л харах дуртай гэж ойлгож болно.

3. Эмэгтэй хүн рүү төрөлхийн зан чанараараа хараад өнгөрдөг нэг хэсэг хүмүүс байхад зарим харснынхаа дараа ширтэж анхаарлыг нь татахыг хүсдэг төрлийн хүмүүс байдаг.

4. Эрэгтэй хүн яагаад тухайн эмэгтэй рүү ширтэж байгаагийн гол шалтгаан бол тэр сэтгэл татам байгаа учраас. Эрэгтэй хүн бүр сэтгэл татам эмэгтэй рүү хардаг. Харахгүй байвал тэд өөр дур хүсэлтэй гэсэн үг юм. Эмэгтэйчүүд ч мөн адил сайхан эмэгтэй рүү хардаг шүү дээ.

5. Өөр нэг таамаглал бол тэр таньтай хамт байхдаа аз жаргалгүй болсон гэсэн үг юм. Хэрэв таны залуу хажууд чинь байгаа өөр эмэгтэй рүү харж, ширтэж, түүнийг таниас илүүд үзвэл та хоёрын харилцаа асуудалтай болжээ гэж ойлгож болно. Ихэнх эмэгтэйчүүд хайртай хүнтэйгээ удаан байхаар өөрийгөө арчилж тордохоо больдог нь энэ зүйлийн шалтгаан болж болно.

6. Сониуч зантай эрчүүд толгойдоо элдэв янзын зүйлс төсөөлөн боддог. Тэр өөр эмэгтэй рүү харж байхдаа түүний талаар янз бүрийн зүйл төсөөлөн бодож байж магадгүй юм. Тэр өөр эмэгтэйг хайрлаж, түүнтэй хамт байвал ямар байх талаар бодож байж ч магадгүй.

7. Магадгүй та эхэлж сэтгэл татам бүсгүйг анзаарсан үед тэр таныг дагаад харж болох юм. Тэр өөр эмэгтэй рүү харах нь таниас уйдсан гэсэн үг огт биш бөгөөд зүгээр дотроо таньтай түүнийг харьцуулж байж болно.